టీడీపీ తరుపున పెద్దగా ఫైట్ ఉండదు అనుకుని మొదటి నుండి ఈ సెగ్మెంట్ లో జనసేన బలంగా పనిచేసుకుంటూ వచ్చింది
అంతా సవ్యంగానే ఉంది టికెట్ జనసేనకి ప్రకటించడమే లేటు అనుకునే సమయంలో గంటా శ్రీనివాస్ రూపంలో ఒక బిగ్ చెక్ పాయింట్ భీమిలిలో సిద్ధంగా ఉంది.
భీమిలీ కోసం పట్టుబడుతున్న గంటా!
2019లో విశాఖ నార్త్ నుండి గెలిచిన గంటా శ్రీనివాస్ ఇక అక్కడినుండే మళ్లీ పోటీ చేస్తారు అనుకుంటున్న తరుణంలో ఆయన తనకు భీమిలి టికెట్ ఇవ్వాల్సిందే అంటూ తెలుగుదేశం అధిష్టానానికి ఆల్టీమేటం జారీ చేశారు.
2019లో టీడీపీ తరుపున పోటీ చేసిన సబ్బం హరి ఆ ఎన్నికల తర్వాత చనిపోవడంతో అక్కడ బలమైన తెలుగుదేశం కేడర్ ను నడిపించే నాయకుడు లేని కొరత అలానే ఉంది ఇదే అదునుగా భావించిన గంటా ఒకప్పడు తను ఇక్కడనుంచి గెలిచిన సందర్భాన్ని గుర్తు చేస్తూ ఈ టికెట్ తనకే కావాలి అని పట్టుబడుతున్నారు అని సమాచారం జనసేనను ఒప్పించడానికి కూడా టీడీపీ పెద్దల ద్వారా తన ప్రయత్నాలు తను చేస్తున్నాడు అంట అవసరమైతే చిరంజీవి వైపు నుండైనా కథ నడపడానికి రెడీ అవుతున్నారు. ఇదిలా ఉండగా స్థానిక టీడీపీ ఇంచార్జ్ మాత్రం గంటా ఇక్కడికొస్తే సహకరించబోము అంటూ కుండ బద్దలు కొడుతున్నారు.
జనసేన పరిస్థితి ఏంటో..
టీడీపీలో పరిస్థితి ఇలా ఉండగా మరోవైపు ఇదే టికెట్ మీద పోటీకి సిద్ధమవుతున్న జనసేన పరిస్థితి ఇక్కడ విచిత్రంగా ఉంది సర్వేల ఆధారంగా ఇక్కడ గెలిచేది జనసేన పార్టీయే అని వాళ్లు చెప్తూ పోటీకి అభ్యర్థి అన్వేషణలో ఉన్నారు. కూటమిలో ఉన్న రెండు పార్టీలు ఈ సెగ్మెంట్ విషయంలో వెనక్కి తగ్గేలా లేకపోవడంతో ఇక్కడి రాజకీయం రసందాయకంలో ఉంది.
చూద్దాం ఏం జరుగుతుందో!